Almatydaǵy órt eki páterdi sharpyǵan
ALMATY. QazAqparat - Almatydaǵy órt 2 páterdi sharpyǵan, dep habarlaıdy QazAqparat tilshisi.
«Órt týraly habarlama búgin saǵat 08:57-de túsken. Medeý aýdany, Samal 1 shaǵyn aýdanyndaǵy 23 úıdiń 6 qabatynda balkon órtke oranǵan. Órt sóndirýshiler kelgende qyzyl jalyn 7-qabattaǵy balkondy sharpı bastaǵan. Órt sóndirýshiler tilsiz jaýdy basqa da balkondarǵa kóshpeı turǵanda aýyzdyqtap úlgerdi. Sondaı-aq, mamandarǵa órt óndirýmen qatar 60 adamdy, onyń ishinde 12 balany qaýipsiz jerge kóshirýge týra keldi», - dedi qalalyq TJD-nyń resmı ókili Sandýǵash Baımuhambetova.
Órttiń saldarynan №30, 37 páterler zaqym kelgen.
Aıta ketý kerek, búgin tańerteń Samal-1 shaǵyn aýdanyndaǵy 23-úıdiń órtke oranǵany týraly habarlaǵan bolatynbyz.
