Almatydaǵy órt: Amaly qalmaǵan turǵyndar balalaryn terezeden laqtyrdy

ALMATY. QazAqparat – Almatyda «Aqkent» turǵyn úı keshenindegi órt týraly vıdeolar áleýmettik jelide tarap jatyr. Beınejazbadan turǵyndardyń balalardy terezeden tósenishke laqtyryp jatqanyn kórýge bolady, dep habarlaıdy QazAqparat tilshisi.

Órt sharpyǵan aýmaq naqtylaný ústinde. Joǵary qabattardaǵy adamdardy evakýatsııalaý jáne qutqarý jumystary júrgizilip jatyr.

TJD kúshimen baspaldaq arqyly 250-300 adam evakýatsııalandy, úsh tik saty men úsh avtomat saty arqyly 40 adam qutqaryldy.

Órt saǵat 18-46-da oqshaýlanyp, kóp uzamaı tolyǵymen sóndirildi.

Oqıǵa ornynda qalalyq TJD kúshteri men quraldary sapynan 50 adam jáne 14 tehnıka jumys istedi, onyń ishinde 3 avtosaty bar.

Eske sala keteıik, biz buǵan deıin 16 qabatty úıde órt tutanǵanyn habarlaǵan edik.

Qyzyl jalyn saǵat 18:46 kezinde oqshaýlanyp, sóndirildi. 31 adam, onyń ishinde 16 bala aýrýhanaǵa jetkizildi.