Almatydaǵy OQKA aýrýhananyń bas dárigeri qyzmetinen óz erkimen ketti – Qamaljan Nadyrov

ALMATY. QazAqparat – QR Densaýlyq saqtaý vıtse-mınıstri Qamaljan Nadyrov Ortalyq qalalyq klınıkalyq aýrýhana basshysynyń jumystan ketýine baılanysty túsinik berdi, dep habarlaıdy QazAqparat tilshisi.

«Medıtsınalyq uıymnyń basshysy – qoǵamdyq densaýlyq saqtaý basqarmasynyń quzyryndaǵy shtattyq birlik. Meniń bilýimshe, bas dáriger óz erkimen ótinish jazdy. Biz sizdermen quqyqtyq memlekette ómir súrip jatyrmyz. Eńbek kodeksin de, memlekettik qyzmetkerge degen qarym-qatynasty da bilemiz. Sondyqtan, eger bireýde qandaı da bir suraq týyndaǵan bolatyn bolsa, biz olardy quqyqtyq alańda qarastyrýymyz kerek», - dep túsindirdi Q.Nadyrov.

Eske sala ketsek, 14 sáýirde Almaty qalasy Qoǵamdyq densaýlyq saqtaý basqarmasy basshysynyń buıryǵymen Almaty qalalyq ortalyq aýrýhanasynyń meńgerýshisi Almas Bolatuly Jývashev qyzmetinen bosatylǵan edi.

Medıtsınalyq uıym basshysynyń mindetin búgingi tańda Marat Abdýllaev atqaryp jatyr.