Almatydaǵy oqıǵalardan keıin Tájikstan men Ózbekstan qaýipsizdik sharalaryn kúsheıtip jatyr
Tájikstan prezıdenti Emomalı Rahmon eldiń kúsh qurylymdary men quqyq qorǵaý organdary basshylarymen jıyn ótkizdi, dep habarlady Tájikstan prezıdentiniń baspasóz qyzmeti.
"Jıynda memleket qaýipsizdigin qamtamasyz etý, zańnyń ulyqtyǵy, memlekettik shekarany nyǵaıtý, qylmyspen, sonyń ishinde zańsyz esirtki aınalymymen kúresý máseleleri qaraldy ", - delingen habarlamada.
Prezıdent jarlyǵyna sáıkes, Tájikstan MUQK jáne ózge de quqyq qorǵaý organdary el áýejaılary men ushaqtarynda qaýipsizdikti qamtamasyz etýdiń qosymsha sharalaryn qabyldady. Jarlyqty júzege asyrý aıasynda terrorıstik aktilerdi, áýe kemelerine, avıatsııalyq ǵımarattar men qurylymdarǵa shabýyl jasaýdy anyqtaý, aldyn alý jáne joıý boıynsha jedel-izdestirý sharalary júzege asady.
Almatydaǵy oqıǵalardan keıin ózbekstandyq-qazaqstandyq shekara kúsheıtilgen baqylaýǵa alyndy. Ózbekstannyń UQQ memlekettik shekarany kúzetý boıynsha komıtetiniń aqparatynsha, mundaı jaǵdaıda shekarashylar belgilengen keste boıynsha jumys jasaıdy.