Almatydaǵy OAAAÚO keńsesine BUU Bas hatshysynyń orynbasary keledi
ALMATY. 27 qarasha. QazAqparat /Erbol Turymbetov/ - Almatydaǵy esirtki, psıhotropty zattar men prekýrsorlardyń zańsyz aınalymymen kúres jónindegi Ortalyqazııalyq aımaqtyq aqparattyq úılestirýshi ortalyqqa (OAAAÚO) 29 qarasha kúni BUU Bas hatshysynyń orynbasary, Esirtki men qylmys jónindegi basqarmanyń (UNODC) Atqarýshy dırektory ıÝrıı Fedotov keledi.
OAAAÚO 2007 jyly UNODC qoldaýymen qurylǵan bolatyn. Uıymnyń negizgi maqsaty zańsyz esirtki aınalymymen kúres boıynsha ulttyq jáne aýmaqtyq dárejedegi quqyq qorǵaýshylar arasyndaǵy vedomstvoaralyq áriptestikti kúsheıtýge baǵyttalǵan.
Jyl saıyn Aýǵanstannan álemdik naryqqa Ortalyq Azııa arqyly 95 tonna geroın jetkiziledi. Onyń tek 5 % ǵana sol aýmaqta ustalady. Al 7 tonnasy Ortalyq Azııanyń ózinde qoldanylady.
Atalmysh ortalyq sol esirtki tasymaly júretin elderdiń quqyq qorǵaý organdary arasyndaǵy áriptestikti nyǵaıtýǵa baǵyttalǵan jumystardyń bir bólimi bolyp tabylady. Ortalyq aımaqtyń 5 memleketi: Qazaqstan, Qyrǵyzstan, Tájikstan, Túrikmenstan jáne Ózbekstan elderiniń áriptestigine qoldaý kórsetedi. Sondaı-aq, Reseı jáne Ázirbaıjanmen de birlese qyzmet atqarady. Sonyń arqasynda, Interpol, Eýropol, Dúnıejúzilik keden uıymy, SECI ortalyǵy jáne basqa da halyqaralyq uıymdardan tysqary elderdiń shuǵyl áriptestiginiń nyǵaıýynda mańyzdy ról atqarady.
Ortalyq shuǵyl jáne basqa da aqparattardy saraptaý men almasýlarǵa qabiletti. Sonymen birge, zańsyz esirtki aınalymyna jol bermeıtin ár túrli quqyq qorǵaý jáne arnaıy organdar úılestirýlerine qoldaý kórsetip otyrady.
ıÝ.Fedotovtyń OAAAÚO-na kelýi onyń Ortalyq jáne Batys Azııaǵa issaparynyń bir bóligi bolyp tabylady. Bul saparda ol Pákistan, Aýǵanstan jáne Tájikstan elderiniń ár túrli memlekettik vedomstvo jetekshilerimen kezdesedi. Kezdesýde esirtkiniń zańsyz aınalymymen kúresýde atalǵan ortalyq sheshýshi ról oınaı alatyn negizgi máseleleri talqylanady dep josparlanǵan.
