Almatydaǵy O.Jáýtikov atyndaǵy mektep úzdik olımpıadalyq komanda atandy
ASTANA. QazAqparat - Ótken aıda Qazaqstan Respýblıkasy Bilim jáne ǵylym mınıstriniń buıryǵyna sáıkes ǵylymı-matematıkalyq kezeń (13-18 naýryz, Oral q.) men gýmanıtarlyq kezeń pánderi (23-29 naýryz, Atyraý q.) boıynsha respýblıkalyq olımpıada ótkizildi.
Aldyn ala úsh kezeńde bolyp, oǵan mektep, aýdan jáne oblystardan qatysyp, endigi kezde olımpıadanyń tórtinshi qorytyndy kezeńi boldy.
Olımpıadanyń basty maqsaty - shyǵarmashylyq qabiletterin damytý, teorııalyq bilim men tájirıbelik daǵdylardy tereńdetý, ózin-ózi iske asyrýǵa yqpal etý, daryndy balalardy anyqtaý maqsatynda olardyń jaǵdaıyn jasaý, irikteý jáne halyqaralyq olımpıadaǵa qatysý ýshin stýdentterdi daıyndaý.
Ǵylymı-matematıkalyq pán boıynsha qorytyndy kezeńde respýblıkanyń barlyq óńirlerinen 704 mektep oqýshylary qatysty. І dárejeli dıplommen 48 mektep oqýshysy marapattaldy, ІІ dárejeli dıplommen - 97 mektep oqýshysy, ІІІ dárejeli dıplommen - 168 mektep oqýshysymarapattaldy, dep habarlady bilim jáne ǵylym mınıstrliginiń baspasóz qyzmeti.
«Úzdik olımpıadalyq komanda» atalymyndva Respýblıkalyq mamandandyrylǵan O.Jáýtikov atyndaǵy fızıka-matematıkalyq orta mektep-ınternatynyń komandasy marapattaldy. Komandalyq esepte 1 oryndy Astana jáne Almaty qalalary, Jambyl oblysynyń komandalary ıelendi, 2 oryndy Shyǵys Qazaqstan, Pavlodar, Qostanaı oblystarynyń komandalary, 3 oryndy - Qaraǵandy, Aqtóbe oblystarynyń komandalary jáne «Nazarbaev Zııatkerlik mektepteri» derbes bilim berý komandasy óz qorjyndaryna saldy.
«Fızıka» páninen Ońtústik Qazaqstan oblysy, Shardara aýylynyń 11 synyp oqýshysy Nurǵalı Asylhanǵa «Úzdik aýyl oqýshysy» atalymynda sertıfıkat berildi. Pavlodar oblysynyń «Jas Daryn» arnaıy mektebiniń 8 synyp oqýshysy Mohammed-Áli Ámir matematıka páni boıynsha eń úzdik nátıje kórsetti.
Respýblıkalyq olımpıadaǵa qoǵamdyq-gýmanıtarlyq baǵyttaǵy pánder boıynsha 551 oqýshysy qatysty. Komandalyq esep boıynsha 1 oryndy Astana jáne Almaty qalalary, Atyraý, Qostanaı, Shyǵys Qazaqstan oblystary, 2-oryndy Jambyl, Batys Qazaqstan, Pavlodar, Qaraǵandy oblystary, 3-oryndy Ońtústik Qazaqstan men Soltústik Qazaqstan oblystary ıelendi. «Qazaq mektebindegi orys tili» páninen Batys Qazaqstan oblysynyń Terekti aýdanynyń lıngvıstıkalyq mektebiniń 11 synyp oqýshysy Shýaqbaev Ádilet «Úzdik aýyl qatysýshysy» atalymy boıynsha maqtaý qaǵazyna ıe boldy.
Aǵymdaǵy jyly mektepti támámdaıtyn olımpıada jeńimpazdaryna Qazaqstandyq JOO-lardyń arnaıy syılyqtary berildi. Osylaısha, M.Ótemisuly atyndaǵy Batys Qazaqstan memlekettik ýnıversıteti Atyraýdan D. Qaıyrbolatov pen Batys Qazaqstan oblysynan T. Ótepbergenovke eki oqý grantyn tabys etti. Sonymen qatar, Qazaq-Brıtan tehnıkalyq ýnıversıteti Almatynyń eki oqýshysy A. Ismaılov pen D. Qurmantaevty eki oqý grantymen marapattady. Q.A. ıAsaýı atyndaǵy Qazaq-Túrik Halyqaralyq ýnıversıteti 24 mektep oqýshylaryna oqý granttaryn tabystady.
