Almatydaǵy nóser jaýyn: Tasqynǵa qarsy jumystar jalǵasýda
ALMATY. QazAqparat – Qalanyń kommýnaldyq qyzmetteri ózen arnalary men aryq jelisin tazalaý jumystaryn jalǵastyrýda, dep habarlaıdy QazAqparat tilshisi.
Tasqynǵa qarsy is-sharalar kommýnaldyq qyzmetterdiń baqylaýynda.
Saǵat 13:30-daǵy jaǵdaı boıynsha Almaty qalasynda 18 sý basý jaǵdaıy tirkeldi, onyń ishinde 16 aýmaqta jumystar aıaqtaldy. Oǵan 86 adam, 20 tehnıka, 1 sorǵy stantsııasy men 9 motopompa jumyldyryldy.
Eki aýmaqta jumystar áli de jalǵasýda: Bostandyq aýdany «Baǵanashyl» yqshamaýdany men Jetisý aýdanyndaǵy «Kemel» yqshamaýdany.
«Kazseldenqorǵaý» málimetine sáıkes, Úlken Almaty ózeni negizgi sý deńgeıi 201 sm, shyǵyn sekýndyna 4,55 tekshe metr. Kishi Almaty dambysyndaǵy sý deńgeıi 50 sm, shyǵyn 5,5 tekshe/sek. Sý bólgishten Kishi Almatyǵa 2 tekshe/sek deıin baǵyttalýda. Esentaı ózenine 3,5 tekshe/sek sý aǵyzyldy. Sý deńgeıi tómendedi, jyldamdyq ortasha.
