Almatydaǵy nóser: Táýlik boıy kezekshilik uıymdastyryldy
ALMATY. QazAqparat – Almaty ákimdigi nóserdiń saldaryn joıý baǵytynda qandaı sharalar qolǵa alynyp jatqany týraly aıtty, dep habarlaıdy QazAqparat tilshisi.
Almaty «jasyl» ekonomıka basqarmasynyń málimetine sáıkes, qaladaǵy jaýyn-shashyn kezinde tasqynnan eskertý jáne onyń saldaryn joıý maqsatynda 9 qyrkúıekte aýdan ákimdikteriniń, tótenshe jaǵdaılar qyzmetkerleri men qutqarý qyzmetiniń táýlik boıǵy kezekshiligi jolǵa qoıyldy.
Kedergisiz ótý jáne sýdy sorý jumysyn uıymdastyrýǵa 192 adam, 81 arnaıy tehnıka men 22 motopompadan turatyn brıgada jumyldyrylǵan.
«Tolassyz nóserdiń saldarynan aryqtardy butaqtar men qoqystar bitep tastap jatyr. Osynyń keselinen jeke aýmaqtarda sý jaıylýda», - delingen ákimdiktiń habarlamasynda.Qazirgi ýaqytta aryq arnalaryn tazartý jumystary júrgizilýde. 3 aýmaqta sý jaıylý qaýpi seıilgen. Atap aıtqanda, Bostandyq aýdanynda Ótepov pen Rozybakıev kóshesiniń buryshyndaǵy kópqabatty turǵyn úıdi sý alý qaýpi aldyn alyndy. Radostovets kóshesiniń boıyndaǵy aryq júıesi tazartyldy. Tasqynnyń saldaryn joıý jumysyna 7 arnaıy tehnıka, 7 jumysshy men 50 qum toltyrylǵan qap tartyldy.
Áýezov aýdanynda jumysqa 2 arnaıy tehnıka men 8 jumysshy jumyldyryldy. Jandosov kóshesi sý alý jaǵdaıynyń aldy alyndy.
Sondaı-aq, ákimdik sý tasqyny týyndaǵan jaǵdaıda aýdandar boıynsha tómendegi jaýapty azamattarǵa habarlasýǵa keńes berdi:
Alataý — Nurábilov T. 8-702-460-6104
Almaly — Tólegen A. 8-775-190-1942
Áýezov — Sultanov D. 8-701-671-6600
Bostandyq — Orazymbetov N. 8-701-666-5648
Jetisý — Ábdiqadyrov A.8-707-314-8889
Medeý — Kúrebaı E. 8-771- 469-8101
Naýryzbaı — Qydyrbaev O. 8-747-159-5043
Túrksib – Baıasyl S. 8-707-322 5004
Eske salsaq, buǵan deıin Almatyda tolassyz jaýǵan jaýynnan kóshelerdi sý basyp jatqany týraly habarlaǵan bolatynbyz.
Áleýmettik jelilerden alynǵan fotosýretter
