Almatydaǵy Moskvın kóshesinde kólik qozǵalysy ekijaqty bolyp ózgeredi
ALMATY. QazAqparat- 26 maýsymnan bastap Moskvın kóshesinde jol qozǵalysyn uıymdastyrý syzbasyna ózgeris engiziledi, dep habarlaıdy QazAqparat tilshisi.
Almaty qalalyq mobıldilik basqarmasynyń málimetinshe, Moskvın kóshesiniń Soltústik aınalma jolynan Rysqulov dańǵylyna deıingi bóliginde ekijaqty qozǵalys engiziledi.
Buǵan deıin kóshemen tek bir baǵytta júrýge bolatyn.
«Jol qozǵalysyn uıymdastyrý syzbasyna ózgerister tájirıbelik negizde engizilp otyr, atalǵan jol bóligindegi kólik jaǵdaıyn saraptaý nátıjesine qaraı ýákiletti organmen birlese otyryp naqty sheshim qabyldanady»,- delingen habarlamada.
Vedomstvo ókilderi Almaty turǵyndaryna jol júrý baǵytyn aldyn ala josparlap, QR jol erejesin saqtap, jol belgilerine basa nazar aýdarýǵa keńes berdi.
