Almatydaǵy MOSKVA metropolitan saýda ortalyǵyna osymen tórtinshi márte «bomba qoıyldy»
ALMATY. QazAqparat - Almatyda saýda oıyn-saýyq ortalyqtarynyń birine bomba qoıylǵany týraly aqparat jalǵan bolyp shyqty, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, saýda oıyn-saýyq ortalyǵyna bomba qoıylǵany týraly qońyraý 102 pýltine búgin túsken.
«Saýda oıyn-saýyq ortalyǵynyń ákimshiligi, kúzet qyzmeti jáne quqyq qorǵaý organdary jalǵa alýshylar men kelýshilerdi evakýatsııalaý úshin, sondaı-aq, quqyq qorǵaý organdarynyń is-sharalardy odan ári júzege asyrýy úshin tıisti stsenarıı ázirledi. Qysqa merzimde qabyldanǵan is-sharalar nátıjesinde habarlamanyń jalǵan ekendigi anyqtaldy», - dep habarlady vedomstvodan.
Almaty polıtsııasy turǵyndardy júrgizilip jatqan qaýipsizdik sharalaryna túsinistikpen qaraýǵa shaqyrady.
Buǵan deıin «MOSKVA metropolitan» saýda oıyn-saýyq ortalyǵynyń kelýshileri evakýatsııalanǵanyn jazǵan boltynbyz.
Aıta keteıik, atalǵan ortalyqqa «bomba qoıyldy» degen aqparat maýsym aıynan beri tórtinshi ret tarady.
