Almatydaǵy monshalar men saýnalar ózderiniń kiristerin 2,5 ese tómendetip kórsetken
Almaty qalasy boıynsha Memlekettik kirister departamentiniń habarlaýynsha, táýekel aımaǵyna túsken salyq tóleýshilerge qatysty kameralyq monıtorıng bastaldy. Al, ózderin adal salyq tóleýshi retinde kórsetken kásipkerlerge memlekettik kirister organdary tarapynan tekserý sharalary josparlanbaǵan.
Qazirgi tańda Almaty qalasy boıynsha 219 salyq tóleýshige eskertý berildi. Onyń ishinde 34 salyq tóleýshi tamaqtaný oryndaryna, monsha men saýnaǵa, qonaq úı keshenderine ýaqtyly zertteý júrgizilýde. Mundaǵy kiris 12,1 mlrd teńgeni qurady. Hronometrlik baqylaýǵa deıin salyq tóleýshiler nebary 5,4 mlrd teńgeni kórsetken, ıaǵnı 6,7 mlrd teńgeni jasyrǵan.
Sonymen qatar, qyzmetkerler sany men jalaqy qory 1154 qyzmetkerden 1550 qyzmetkerge deıin ósti, jáne de 242,6 mln. teńge mólsherinde salyq eseptiliginiń qosymsha nysandary tapsyryldy.
Tájirıbe kórsetkendeı, táýekel tobyna kirister men qyzmetkerler sanynyń azaıý faktileri boıynsha salyq eseptiligi derekterin taldaý negizinde anyqtalǵan salyq tóleýshiler kiredi. Salyq tóleýshilerdiń buzýshylyqtary: kiristerdi birneshe ese azaıtýy, shot-faktýralarsyz alkogoldik ishimdikterdi satý jáne saqtaý faktileri bar, fıskaldyq málimetterdi jasyrý arqyly kassalyq tártipti buzý, ıaǵnı satyp alýshylarǵa fıskaldyq chekterdiń ornyna R-Keeper júıesiniń túbirtegin berý.
«R-Keeper» arqyly ótken túbirtekter fıskaldyq emes jáne kassalyq mashınadan ótpeıdi, osylaısha kirister bıýdjetke túspeıtinin aıta ketý kerek.
Memlekettik kirister organdarynyń negizgi mindeti - bıznesti kóleńkeden shyǵarý jáne kásipkerlerdi óz erkimen salyq tóleýge tartý.
Osyǵan baılanysty, Almaty qalasy boıynsha Memlekettik kirister departamenti Almaty qalasynyń kásipkerlerin, turǵyndaryn salyqty ýaqtyly jáne tolyq kólemde tóleý boıynsha mindettemelerin oryndaýǵa shaqyrady.
