Almatydaǵy mobıldi medıtsına toby jumystyń birinshi kúninde 400 adamdy tekserýden ótkizdi
ALMATY. QazAqparat- Túrksib aýdanyna qarasty «Nurshashqan» yqsham aýdanynyń 400 turǵyny mobıldi medıtsına tobynyń alǵashqy emdelýshileri boldy, dep habarlaıdy QazAqparat tilshisi.
«Nurshashqan» yqsham aýdannyń 400-den astam turǵyny mobıldi toptyń medıtsına qyzmetkerlerinen túrli suraqtar boıynsha tegin medıtsınalyq tekserýler men keńester alyp úlgerdi. Atap aıtqanda, turǵyndar flıýorografııadan, EKG, oftalmolog, kardıolog, hırýrg, LOR dárigeri, gınekolog, ýrolog, nevropatolog jáne basqa dárigerlerden keńes alyp, tekserýden ótti.
Esterińizge sala ketsek, 2019 jyldyń 1 men 30 tamyzy aralyǵynda Almaty Qoǵamdyq densaýlyq basqarmasy halyqtyń sapaly medıtsınalyq qyzmet kórsetýge qol jetkizýi qamtamasyz etilmegen qala aýdandaryna mobıldi toptardy jiberýdi uıǵarǵan bolatyn.
