Almatydaǵy MMA keshinde Janserik Jaqsyǵulov túrikti nokaýtqa jiberdi
ALMATY. QazAqparat – Aralas jekpe-jek sheberi qazaqstandyq Janserik Jaqsyǵulov Octagon 39 týrnırinde túrik sportshysy Fatıh Shentýrkke (2-1) qarsy aıqas ótkizdi, dep habarlaıdy QazAqparat Sports.kz-ke silteme jasap.
Jekpe-jek sońyna qaraı qazaqstandyq faıter aldymen – qolymen, keıin tizesimen birneshe joıqyn soqqy jasap, túrik sportshysyn nokaýtqa jiberdi.
Bul Jaqsyǵulovtyń kásipqoı sport mansabyndaǵy tórtinshi jeńisi. Eki ret jeńilgen.
Eske salaıyq, buǵan deıin atalǵan týrnır aıasynda qazaqstandyq Baýyrjan Qalmurzaev reseılik faıter Konstantın Cherednıchenkony (15-19) aıqastyń alǵashqy 20-sekýndynda nokaýtqa túsirgen bolatyn.
Octagon 39 týrnıriniń basty jekpe-jegi qazaqstandyq Azat Maqsum (15-0) men brazılııalyq Fabrısıo Nýnes (8-0) arasynda ótedi.
