Almatydaǵy Mizam bazary májbúrli túrde súrile bastady
ALMATY. QazAqparat - Almatydaǵy Mizam bazary májbúrli túrde súrile bastady, dep habarlaıdy QazAqparat tilishisi.
Qalalyq ákimdiktiń habarlaýynsha, 2018 jyldyń 13 jeltoqsanda Memlekettik sáýlet-qurylys baqylaý basqarmasy «SeverTal» JShS-ne zańsyz salynǵan «Mizam» saýda bazaryn buzý týraly talap aryz túsirgen.
«Mundaı aryz berýdiń ózindik sebepteri bar. Memlekettik sáýlet-qurylys baqylaý basqarmasy jospardan tys júrgizgen tekserý kezinde birneshe zań buzýshylyq anyqtaǵan»,-delingen habarlamada.
Sot «Mizam» bazarynyń qurylysy zańsyz júrgizilgen dep sheshim shyǵardy.
«10 maýsymda sot oryndaýshylar «Mizam» saýda bazarynyń ıesine sot sheshimi týraly habarlamany tapsyrdy. Sot aktisinde kórsetilgendeı kásipker 17 maýsymǵa deıin bazardy buzýy tıis edi, olaı bolmaǵan jaǵdaıda 19 maýsymda májbúrli túrde súriledi»,- delingen ákimdik habarlamasynda.
Buǵan deıin bazar ıesine 1,5 mln teńge kóleminde ákimshilik aıyppul salynǵan. Sondaı-aq, qala basshylyǵy jaldamaly 1,3 ga jáne 4,05 ga eki jer telimine qatysty kelisimshartty buzýdy qarastyryp jatyr.
