Almatydaǵy mıtıng kezinde kúsh qoldanýǵa shaqyrǵan 3 adam ustaldy
ALMATY. QazAqparat - Almaty polıtsııasy sanktsııalanbaǵan mıtıng kezinde zorlyq-zombylyq jasaýǵa shaqyrǵan 3 adamdy ustady, dep habarlaıdy QazAqparat tilshisi.
Qalalyq polıtsııa departamentiniń habarlaýynsha, ustalǵandardyń biri - 34 jastaǵy er adam Almaty oblysyndaǵy aýrýhanalardyń birinde dáriger bolyp jumys isteıdi. Ol messendjer arqyly qoǵamdy tártipsizdik uıymdastyryp, polıtsııa qyzmetkerlerine qarýly kúsh qoldanýǵa shaqyrǵan.
Ustalǵan taǵy eki adamnyń biri - Qyzylorda qalasynyń, ekinshisi - Ózbekstan týmasy bolyp shyqty. Ustalǵan soń olar qazaqstandyqtardy arandatýǵa túsip qalmaýǵa shaqyrdy.
Qazir úsheýi de ýaqytsha oqshaýlaý ornyna qamalǵan.
Olarǵa QR QK 272-babynyń 3-bólimimen bılik ókiliniń aıtqanyna qarsy shyǵyp, jappaı buzaqylyqqa shaqyrdy degen aıyp taǵyldy.
Qazir sotqa deıingi tergeý isi tirkeldi. Tekserý júrip jatyr.
