Almatydaǵy metro taǵy 5 shaqyrymǵa uzaryp, qalada 140 km avtojol salynady

ALMATY. QazAqparat - Almaty qalasynyń máslıhaty kólik ınfraqurylymyn damytý josparynyń jobasyn qabyldady, dep habarlaıdy QazAqparat.

Jospar sheńberinde «Qalqaman» stantsııasynan «Barlyq» bazaryna deıin metropolıtenniń 5.2 km uzyndyǵymen birinshi jelisiniń úshinshi kezegin salý , Saın kóshesi men Móńke bı (Aqyn Sara) kóshesiniń qıylysynda kólik jolaıryǵyn salý kózdelgen.

Sonymen qatar, qalanyń 8 shaǵynaýdanynda uzyndyǵy 140,4 km jol salý josparlanǵan.

Olardyń qatarynda Shapaǵat, Boraldaı, Terekti, Rahat-Mádenıet, Shuǵyla, Aqjar, Maıak, Mádenıet shaǵyn aýdandary bar.

Uzyndyǵy 39,7 km bolatyn 10 magıstraldy kóshe tesý arqyly uzarady.

Jalpy josparǵa sáıkes, ákimdik tarapynan jaqsy jáne qanaǵattanarlyq jaǵdaıdaǵy joldardyń úlesin 2025 jylǵa deıin 86%-dan 95% deıin arttyrý josparlanǵan.