Almatydaǵy METRO saýda ortalyǵyna bir jyl toldy
ALMATY. 11 qazan. QazAqparat /Ádilet Musahaev/ - Almatydaǵy saýdanyń usaq kóterme sektorynyń halyqaralyq kóshbasshysy METRO saýda ortalyǵyna bir jyl tolýyna oraı ortalyqtyń basshylary BAQ ókilderimen kezdesip, atalǵan saýda orynynyń búgingi tynys-tirshiligimen tanystyrdy.
№11 METRO saýda ortalyǵynyń dırektory Dmıtrıı Kýrmachev dúken ishinde ótken shaǵyn saıahatty ózi bastap, osy saýda ortalyǵynda ǵana satyp alýǵa bolatyn jeke brendter, eksklıýzıvti taýarlar jaıynda keńinen áńgimelep berdi.
Basty klıenttermen jumys boıynsha baǵyttyń jetekshisi Vladıslav Skalskıı METRO-nyń Qazaqstandaǵy is-áreketi, usaq kóterme rıteıliniń damý betalystary jaıly sóz qozǵasa, Erlan Ysqaqov - qoǵammen baılanys pen úkimettik qatynastar boıynsha Bas dırektordyń orynbasary kompanııanyń josparlary jaıynda baıandap, barlyq qyzyqtyratyn saýaldarǵa jaýap berdi.
Esterińizge sala ketsek, Almatydaǵy METRO tuńǵysh kóterme saýda ortalyǵynyń saltanatty ashylý rásimi 2010 jyldyń 3 qyrkúıeginde bolǵan edi.
METRO áleýmettik jaýapkershilikti kompanııa, senimdi salyq tóleýshi, jumys berýshi, ári jergilikti óndirýshilerdi qoldaýda bastamashy bolyp tabylady. Óziniń jeke bıznesin keńeıte otyryp, kompanııa eldiń damýyna yqpal etýde, jeke saýda belgilerin, jetkizý qyzmetterin jáne basqasyn damytýda. METRO óz ónim túrleriniń 90 paıyzdan astamyn jergilikti óndirýshilerden, ımporterlerden jáne dıstrıbıýtorlardan alady.
