Almatydaǵy metro iske qosylǵan kezde 1022 adam jumyspen qamtamasyz etiledi
sp;ALMATY. Jeltoqsannyń 29-y. QazAqparat /Erlik Erjanuly/ - Almatyda 2010 jyldyń qarasha aıynda iske qosylatyn metroda jolaqy 75-80 teńge aralyǵynda bolady. Ony "Metropolıten" memlekettik kommýnaldyq kásipornynyń dırektory Qaýyt Musabekov búgin qala ákimi metro stansylaryndaǵy jumystyń barysymen tanysý kezinde aıtty,
dep habarlaıdy QazAqparat.
"Almaty metro qurylysynda arnaıy qurylǵan 3 kásiporyn jumys jasaıdy. Olar - "Almatymetroqurylys", qural-jabdyq jetkizýmen aınalysatyn dırektsııa jáne "Metropolıten". Qajetti qarjy der kezinde bólinetin bolsa alǵashqy kezekte iske qosylatyn 7 stansy qarasha aıynda paıdalanýǵa beriledi. Onda 1022 adam jumys isteıtin bolady. Qazirgi tańda olar daıyndalyp jatyr. Sondaı-aq Ońtústik Koreıanyń "Hýndaı Ratem" elektropoezdaryna tapsyrys berildi. Mamandar álemde úzdik úshtiktiń qataryna kiretin bul óndirisshiniń alǵashqy poıyzdy arnaıy baryp kórip qaıtty. Árqaısysy 4 vagonnan turatyn 7 poıyz mamyr-tamyz aılarynda elge jetkizile bastaıdy", deıdi "Metropolıten" memlekettik kommýnaldyq kásipornynyń dırektory Qaýyt Musabekov. Onyń aıtýynsha, jolaqysy qazirgi tańda 75-80 teńge aralyǵynda bolady dep josparlanyp otyr. Metro qurylysynyń kelesi kezeńderinde Alataý stansysynan Qalqamanǵa deıingi aralyqta taǵy 12 stansy iske qosylatyn bolady. Jalpy eń sońǵy salynǵan metro bolǵandyqtan ózge elderdiń metrolaryna qaraǵanda Almatydaǵy metro qozǵalysynda eń sońǵy ozyq tehnıka men tehnologııalar paıdalanylady. Máselen Máskeý, Tashkent qalalarynda keńestik metro kólikteri paıdalanylyp júr. Sondaı-aq olardyń paıdalaný merzimi bul kúnde aıaqtalýǵa jaqyn.
