Almatydaǵy memlekettik sport uıymdarynda oqytý-jattyǵý toqtatyldy
ALMATY. QazAqparat – Almatydaǵy memlekettik sport uıymdarynda oqytý-jattyǵý toqtatyldy, dep habarlaıdy QazAqparat tilshisi.
«Megopolıste barlyǵy 14 kommýnaldyq sport nysany bar. Onyń 9-y balalar men jasóspirimderge arnalǵan sport mektebi. Sportpen shuǵyldanatyndardyń sany 12 myńnan asady. QR Prezıdenti Qasym-Jomart Toqaevtyń tapsyrmasy boıynsha 13 naýryzdan bastap Almaty qalasynyń barlyq memlekettik sporttyq mektepterinde oqý-jattyǵý protsesi toqtatyldy»,– delingen qalalyq sport basqarmasy taratqan habarlamada.
Jergilikti jáne respýblıkalyq bıýdjetten qarjylandyrylatyn sport nysandaryndaǵy oqý-jattyǵýlarǵa, fızıkalyq-saýyqtyrý qyzmetterin usyný jáne sport salasyndaǵy áleýmettik jobalardy iske asyrýǵa da shekteý qoıyldy.
Sondaı-aq, jeke sport uıymdaryna qyzmetterdi ýaqytsha toqtatý jóninde usynymdar berildi.
Sonymen qatar, barlyq sport túrleri boıynsha qalalyq qurama komandalarynyń múshelerine Qazaqstanan shyǵýǵa shekteý qoıyldy.
