Almatydaǵy mektep ashanalarynda qandaı buzýshylyqtar anyqtaldy
ALMATY. QazAqparat – Ótken jyly Almatydaǵy birneshe mektep ashanalarynda birqatar sanıtarlyq buzýshylyqtar anyqtaldy. Bul týraly Almaty qalalyq taýarlar men qyzmetterdiń sapasyn baqylaý departamentiniń basshysy Aızat Moldaǵasımova aıtty, dep habarlaıdy QazAqparat tilshisi.
Ótken kóktemde júrgizgen monıtorıng nátıjeleri boıynsha mektep ashanalarynyń 53% talapqa saı jumys istemegeni anyqtaldy.
«Kúzde biz taǵy birneshe ret baqylaý júrgizdik. Buzýshylyqtar mynandaı sıpatta boldy: tamaq daıyndaý tehnologııasyn buzý, sanıtarlyq talaptardy saqtamaý, daıyn taǵamdy ekinshi ret berý, qyzmetkerlerdiń jeke gıgıenasyn saqtamaýy. Sonymen qatar qaladaǵy № 117, № 13, № 112, № 142 jáne № 44 mektep ashanasynda tyıym salynǵan taǵamdar satylǵan», - dedi Aızat Moldaǵasımova.
Anyqtalǵan buzýshylyqtar úshin mektep ashanasyn jaldaýshy 22 kásipker ákimshilik jaýapkershilikke tartyldy. Olarǵa 1,6 mıllıon teńge kóleminde aıyppul salyndy.
«Mektep ashanasyn jaldaǵan úsh kásipkermen kelisimshart buzyldy. Bizdiń mektepterde krem ónimderi men qoldanylǵan maıdy ekinshi ret paıdalanýǵa tyıym salynady», - dep túsindirdi departament basshysy.
