Almatydaǵy «Mega Park» mańyndaǵy jol apatyna qatysty saraptama nátıjesi shyqty
ALMATY. QazAqparat – Almatyda jol apatyna sebepker bolǵan avtobýs júrgizýshisiniń qanynda alkogol men esirtki tabylǵan joq. Bul týraly Almaty prokýratýrasy málim etti, dep habarlaıdy QazAqparat tilshisi.
Sotqa deıingi tergep-tekserý Qylmystyq kodekstiń 345-baby 3-bóligi «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha júrip jatyr. Qazirgi ýaqytta saraptama nátıjesi shyqty.
«Qorytyndyǵa sáıkes, avtobýs júrgizýshisiniń qanynda ishimdik jáne esirtki zattarynyń quramy tabylǵan joq. Jol apaty sebebin jáne avtobýstyń tehnıkalyq jaǵdaıyn anyqtaý úshin tıisti saraptama taǵaıyndaldy», - dep habarlady prokýratýradan.
Eske salaıyq, apat 27 aqpanda Seıfýllın dańǵyly men Maqataev kóshesiniń qıylysynda bolǵan. Belgisiz sebeptermen avtobýs eki kólikke soǵylyp, trotýarmen kele jatqan jaıaý júrginshilerdi qaǵyp ketti. Bes adam aýyr jaraqat aldy.
Keıin aýrýhanada 58 jastaǵy áıel kóz jumdy.
