Almatydaǵy meduıymdardyń materıaldyq-tehnıkalyq jabdyǵyna 43,1 mlrd teńge bólindi
ALMATY. QazAqparat – Almatyda koronavırýs ınfektsııanyń aldyn alý jáne oǵan qarsy kúres boıynsha qala ákimdigi men qoǵamdyq densaýlyq basqarmasy arnaıy is-sharalar qabyldady, dep habarlaıdy QazAqparat tilshisi.
Almaty qalalyq qoǵamdyq densaýlyq saqtaý basqarmasynyń málimetinshe, medıtsınalyq uıymdardyń materıaldyq-tehnıkalyq jabdyqtalýyn jaqsartý úshin 2020 jyly jergilikti bıýdjetten 43,1 mlrd teńge bólindi.
«KVI pandemııasyna jáne daǵdarysqa qarsy sharalardy júzege asyrý maqsatynda Almaty qalasynyń ákimdigi men qoǵamdyq densaýlyq basqarmasy 11 000-nan astam zamanaýı medıtsınalyq qural-jabdyq satyp aldy. Qaladaǵy barlyq juqpaly aýrýlar statsıonarlarynyń reanımatsııa jáne qarqyndy terapııa bólimsheleri tolyq jabdyqtaldy. ÓJJ apparattary, HiFLO joǵary aǵyndy ottegi terapııa apparattary, ottegi kontsentratorlary satyp alyndy, KVI-men aýyratyn naýqastar úshin jeke operatsııalyq bloktar ashyldy», - dep habarlady Almaty qalalyq densaýlyq saqtaý basqarmasynan.
Bastapqy medıtsınalyq-sanıtarlyq kómek deńgeıinde 298 mobıldi brıgada qurylyp, 948 qyzmetker jumys isteıdi. BMSK maqsaty – patsıentterdi ambýlatorııalyq jaǵdaıda monıtorıngteý, dıagnostıkalaý jáne emdeý.
KVI men pnevmonııadan bolatyn ólim-jitimdi azaıtý jáne reanımatsııalyq patsıentterdi emdeý tıimdiligin arttyrý úshin Almatyda Anestezıologııa jáne reanımatsııa mobıldi ortalyǵy quryldy. Juqpaly aýrýlar aýrýhanalar deńgeıinde turaqty túrde jaǵdaıy aýyr dárejedegi naýqastardyń jaı-kúıine monıtorıng jáne ólim jaǵdaıyna baılanysty taldaý júrgiziledi. Júrgizilgen jumys nátıjesinde ólim-jitim kórsetkishi 2,5 esege tómendedi.
«Ambýlatorııalyq naýqastardyń jaǵdaıyn, sondaı-aq patsıentterdiń karantındik rejımdi saqtaýyn baqylaý úshin qyrkúıek aıynda Telemedıtsına ortalyǵy quryldy. Telemedıtsına ortalyǵy táýlik boıy jumys isteıdi, 2020 jyldyń qarasha aıynan 2021 jyldyń naýryzyna deıin 17 000-nan astam kiris qońyraýy jáne 98 000-nan astam shyǵys qońyraýlary qabyldandy. Jedel medıtsınalyq járdem qyzmetinde dıspetcherlik qyzmet kúsheıtilip, zamanaýı reanımatsııalyq jabdyqtarmen jaraqtandyrylǵan 135 arnaıy qyzmet mashınasy satyp alyndy. Osylaısha, Almatydaǵy JMJQ avtoparki 80%-ǵa jańartyldy jáne qazirgi ýaqytta qala turǵyndarynyń ómirin saqtap qalý úshin eń ozyq tehnıkaǵa ıe»,- dep atap ótti basqarmadaǵylar.
Dıagnostıkalyq bólimsheler men zerthanalarda qamtamasyz etildi. Almaty qalasy qoǵamdyq densaýlyq basqarmasynyń medıtsınalyq uıymdaryna rentgen apparattary, kompıýterlik jáne magnıtti-rezonansty tomograftar, statsıonarlyq jáne jyljymaly ÝDZ apparattary, elektrokardıograftar, kóptegen zerthanalyq jabdyqtardyń jetkizildi. COVID-19 vırýsyn anyqtaýǵa PTR-testiniń dıagnostıkasy úshin balalar juqpaly aýrýlar aýrýhanasynyń bazasynda modýldik zerthana ashyldy. Táýligine 5000-ǵa deıin PTR-test tekseriledi. Zerthana táýlik boıy jumys isteıdi.
Pandemııa kezinde 5000-nan astam medıtsına qyzmetkeri jumyldyryldy. Infektsııalyq statsıonarlarda kadr rezervi qalyptastyryldy, onda 2500-den astam medıtsına qyzmetkeri, onyń ishinde 375 dáriger, 1 582 orta medıtsınalyq personal, 452 kishi medıtsınalyq personaly men eriktiler. Búgingi tańda qalanyń barlyq statsıonarlary bilikti mamandarmen tolyq qamtamasyz etildi.
«Koronavırýstyq pandemııa bastalǵannan beri Almaty qalasy qoǵamdyq densaýlyq saqtaý basqarmasy COVID-19 vırýsyn juqtyrǵan naýqastardy emdep, «qaýipti aımaqta» jumys istegen medıtsınalyq uıymdarynyń qyzmetkerlerine jalaqyǵa ústemeaqy tólendi. 2020 jyldyń 10 aıy úshin ústemeaqy tóleýdiń jalpy somasy 16,7 mlrd teńgeden astam somaǵa júzege asyryldy. Qaladaǵy medıtsına uıymdarynda KVI ǵana emes, basqa da aýrýlary bar patsıentterdi emdeýge arnalǵan statsıonarlar, tósek oryndary, mamandar jáne jabdyqtar jetkilikti»,- dep habarlady qalalyq qoǵamdyq densaýlyq saqtaý basqarmasynyń baspasóz qyzmeti.
