Almatydaǵy medıtsınalyq mekemelerde ınfektsııalyq qaýipsizdik turaqty baqylaýda
Basqarma basshysynyń aıtýynsha, medıtsına uıymdarynda patsıentterdiń barlyq sanaty boıynsha zańnamada belgilengen sanıtarııalyq-epıdemıologııalyq qaýipsizdikke qoıylatyn talaptarǵa sáıkestigine ishki óndiristik, SEBD tarapynan josparly syrtqy baqylaý júzege asyrylady.
«Ortalyq qalalyq klınıkalyq aýrýhanadaǵy jaǵdaı kórsetkendeı, bul patsıentterdi ýaqytyly testileý jáne reglamentterdi saqtaý osy jaǵdaıdy oqshaýlaý boıynsha is-sharalar keshenin júrgizýge múmkindik berdi. Taǵy da qaıtalaımyn jáne Sizderdiń nazarlaryńyzǵa qalanyń medıtsınalyq mekemelerindegi ınfektsııalyq qaýipsizdik turaqty baqylaýda jáne qala turǵyndaryna medıtsınalyq kómek kórsetý kezinde júıeli qaýip-qater joq ekenine nazar aýdaramyn», - dep atap ótti Almaty qalasy Qoǵamdyq densaýlyq saqtaý basqarmasynyń basshysy Iran Shametekov.
Sonymen qatar Qoǵamdyq densaýlyq saqtaý basqarmasy Sanıtarııalyq-epıdemıologııalyq baqylaý departamenti, Almaty qalasy boıynsha Medıtsınalyq jáne farmatsevtıkalyq qyzmet sapasyn baqylaý komıteti departamenti, JITS ortalyǵy, qalalyq qan ortalyǵy mamandarynyń qatysýymen sanıtarııalyq-epıdemıologııalyq rejımdi saqtaý jáne ınfektsııalyq baqylaý júrgizý bóliginde qalanyń barlyq statsıonaryna keshendi tekserý júrgizdi.
Qala turǵyndaryna medıtsınalyq kómek kórsetý kezinde juqtyrý qaýpi jáne júıeli qaýipter joq.
Aıta keteıik Almatyda AITV ınfektsııasyn juqtyrý faktisi boıynsha epıdemıologııalyq tekserý aıaqtaldy. Buǵan deıin Almaty ortalyq aýrýhanasynyń basshysy Narıman Tabynbaev qyzmetinen bosatylǵany týraly jazǵan bolatynbyz.
