Almatydaǵy Medeý aýdandyq sotynyń sýdıasy para alǵany úshin sottaldy
Almaty qalasynyń Sybaılas jemqorlyqqa qarsy qyzmeti Almaty qalasy Medeý aýdandyq sotynyń sýdıasy Ábilqaıyr men sol sottyń hatshysy Raqyshovqa qatysty sotqa deıingi tergeýdi aıaqtady.
«Ábilqaıyr jer teliminiń shekarasyn anyqtaýǵa baılanysty azamattyq is boıynsha oń sheshim qabyldaý úshin deldal Raqyshov arqyly aldyn ala kelisilgen 10 myń AQSh dollarynan 3 myń AQSh dollaryn para retinde aldy degen kúdikke ilindi. Bul faktini sybaılas jemqorlyqqa qarsy qyzmet pen Joǵarǵy sottyń ishki qaýipsizdik jáne sybaılas jemqorlyqtyń aldyn alý bólimi birge anyqtady» delingen habarlamada.
8 qarashada Almaty qalasy Medeý aýdanynyń №2 sotynyń úkimimen Ábilqaıyrǵa 45 mln 459 600 teńge kólemindegi aıyppul salyndy.
Osy úkimmen Raqyshovqa 2 jylǵa bas bostandyǵynan aıyrý jazasy taǵaıyndaldy.
Atalǵan azamattar memlekettik qyzmette laýazym atqarý quqyǵynan ómir boıyna aıyryldy.
