Almatydaǵy marafonnyń ústinde mahabbat oqıǵasy boldy
ALMATY. QazAqparat - «Almaty marafondaǵy» 42,2 shaqyrym qashyqtyqqa júgirgen jelaıaqtardy kútý barysynda úlken sahnada erekshe oqıǵa oryn aldy, dep habarlaıdy «QazAqparat» tilshisi.
World Class dırektory Ýálıhan Ten qatysýshylardyń kóńilin kóterip turyp, aıaq astynan mahabbat jáne ǵashyqtar týraly áńgime bastap ketti. Birazdan soń sahnaǵa jarysqa qatysýshy jas jigitti shaqyrdy. Sahnaǵa kóterilgen jigit almatylyqtardy sport merkesimen quttyqtaı kele Dıana atty qyzdyń sahnaǵa kóterilýin surady.
Qaltasynan saqına alyp shyqqan jigit óz ǵashyǵyna kóńilin bildirip, «maǵan turmysqa shyq» degen usynys jasady. Boıjetken jigittiń usynysyn qabyldap, «ıá!» dedi.
Esterińizge sala keteıik, Almatyda «Almaty-marafon» sharasy jalǵasýda, dástúrli mereke bıyl jetinshi márte ótip jatyr. Jarys jolyna 3 , 10, 21 jáne 42,2 shaqyrym qashyqtyq boıynsha 14 myń adam shyqty.
