Almatydaǵy marafonǵa baılanysty kólik qozǵalysy shekteledi
ALMATY. QazAqparat - Almatyda marafon ótkizilýine baılanysty birneshe kóshe joldary jabylady. Bul týraly búgin marafon uıymdastyrýshylary habarlady.
Sonymen, 19 sáýirden 20-syna qaraǵan túnde Astana ýaqyty boıynsha saǵat 01.00-den 03.00-ge deıin ál-Farabı dańǵylynyń soltústik jaǵynda ishinara jol jabý josparlanǵan.
20 sáýirde saǵat 8.00-den 15.00-ge deıin ál-Farabı dańǵylynyń soltústik jaǵynan, ShAAJ batys jaǵynan jáne Abaı dańǵylynyń ońtústik jaǵynan ishinara jol jabylady.
Saǵat 08.00-den 14.00-ge deıin Abaı dańǵylynan ál-Farabı dańǵylynyń qıylysyna deıingi Seıfýllın dańǵylynyń bóligi jabylady.
Eske sala keteıik, 20 sáýirde Almatyda II Almaty marafony ótedi. Oǵan tek Qazaqstannan ǵana emes, álemdegi basqa da - AQSh, Ulybrıtanııa, Túrkııa, Lıtva, Shvetsııa, Reseı, Ońtústik Koreı jáne t.b. elderden 10 myńǵa jýyq adam qatysady. Júgirý saǵat 8.00-de QR Tuńǵysh Prezıdenti saıabaǵynan bastalyp, Ortalyq stadıonda aıaqtalady.
