Almatydaǵy LRT qurylysyn kimder júzege asyrady
NUR-SULTAN. QazAqparat – «Qazaqstandyq memlekettik-jekeshelik áriptestik ortalyǵy» AQ basqarma tórǵasynyń orynbasary Aıdos Kóbetov Almatyda LRT jelisi qurylysynyń jobasy qandaı prıtsıppen júzege asyrylatynyn aıtty, dep habarlaıdy QazAqparat tilshisi.
«Almatyda LRT jobasy bar jáne ony memlekettik-jekeshelik áriptestik boıynsha iske asyrý eskerilgen. Joba ekinshi kezeń deńgeıinde tur. ıAǵnı jobany júzege asyrýdyń eki kezeńdik tetigi bar, bul rette áriptesterdiń ózderi tıisti qarjylyq-tehnıkalyq, zańgerlik sheshimderdi usynady», - dedi Aıdos Kóbetov Úkimet úıindegi brıfıngte.
Osy oraıda ol birinshi konkýrstyń nátıjesin jarııalady.
«Birinshi konkýrstyń qorytyndysy boıynsha konsortsıýmdaǵy 9 kompanııa ishinen tórteýi ótti. Olardyń quramynda Túrkııa, Japonııa, Frantsııa jáne Ońtústik Koreıa bar. Atap aıtqanda, bul joba aıasynda qyrkúıek-tamyzda ekinshi kezeń boıynsha rásimderdi bastaý kózdelgen. Osy rette joba aldynda belgilengen merzimde iske asyrylmaq», - dedi A. Kóbetov.
Budan buryn habarlanǵandaı, Almatyda jeńil relsti kólik jelisin (LRT) 2023 jyly iske qosý josparlanyp otyr.
