Almatydaǵy qurylys alańynda jas jumysshy mert boldy
ALMATY. QazAqparat - Almatydaǵy qurylys alańynda 19 jastaǵy jigit qaza tapty. Polıtsııa tekserip jatyr, dep habarlaıdy QazAqparat tilshisi.
Áleýmettik jelide Almatydaǵy qurylys alańynda 19 jastaǵy jumysshy qaza tapqany týraly aqparat paıda boldy. Qurylys alańyndaǵy ólim týraly Nurmaqov-Qabanbaı batyrdaǵy qurylysqa shaǵymdanyp júrgengender jazdy.
Almaty Qalalyq Polıtsııa departamenti jigittiń ólimine qatysty qylmystyq kodekstiń 156-baby «Eńbekti qorǵaý erejelerin buzý» boıynsha sotqa deıingi tergeý bastalǵanyn habarlady. Sot-medıtsınalyq saraptama taǵaıyndaldy.
«Sonymen qatar, atalǵan fakt boıynsha Memlekettik eńbek ınspektsııasy jáne kóshi-qon basqarmasy tekserý júrgizip jatyr, onyń nátıjeleri boıynsha iske protsestik sheshim qabyldanady», - dep atap ótti polıtsııadaǵylar.
