Almatydaǵy qurylys alańynda Ózbekstannan kelgen 30 gastarbaıter ustaldy
Polıtsııa departamenti taratqan málimetke sáıkes, kórshi memleketten kelgen kelimsekter qalanyń Alataý aýdanyndaǵy qurylys alańynda anyqtaldy. Sheteldiktiń jeke kýáligi bolmaǵan, osyǵan baılanysty, olar Polıtsııa departamentiniń qabyldap-taratý bólimine ornalastyryldy.
«Ustalǵandardyń árqaısysynyń kim ekenin anyqtaǵannan keıin, olardy qalamyzdyń aýmaǵynda kez kelgen quqyq buzýshylyqtar men qylmystarǵa qatystylyǵyn tekseremiz. Sodan keıin olar ákimshilik jaýapqa tartylyp, Qazaqstannan shyǵarylady. Aıtpaqshy, ótken kúni Ózbekstan Respýblıkasynyń Almaty qalasyndaǵy konsýldyǵymen birge sottyń sheshimimen buryn Qazaqstannan shyǵarylǵan Ózbekstannyń 16 azamatyn eline qaıtarý jumysy uıymdastyryldy», – dedi Almaty qalalyq PD Kóshi-qon qyzmeti basqarmasynyń bastyǵy Ashat Býtýnchınov.
Sondaı-aq spıker 7-16 maýsym aralyǵynda ótkizilgen «Kelimsek» is-sharasy barysynda 1 785 adam kóshi-qon zańnamasyn buzǵanyn anyqtady. Olardyń 1 262-si sheteldik. 102 sheteldik Qazaqstan Respýblıkasynan shyǵaryldy, onyń toǵyzy azamattyq is júrgizý tártibimen.
«Sonymen qatar sheteldikterdiń Qazaqstan Respýblıkasynda bolýynyń zańdylyǵyn qamtamasyz etý jónindegi sharalardy qabyldamaǵany úshin azamattardy qabyldaýshy 467 tulǵa jaýapqa tartyldy. Qazaqstan Respýblıkasyna sheteldik jumys kúshin tartý erejelerin buzǵany úshin 56 jumys berýshige aıyppul salyndy. Sondaı-aq is-shara ýaqytynda zańsyz kóshi-qon arnasyn uıymdastyrýdyń úsh faktisi anyqtaldy», – dedi polıtsııa ókili.