Almatydaǵy krematorııdiń qurylysy qashan aıaqtalady
ALMATY. QazAqparat – Megapolıstegi krematorııdiń qurylysy 2021 jyldyń qyrkúıeginde aıaqtalady. Bul týraly onlaın brıfıng barysynda Almaty qalasy jaıly qalalyq orta basqarmasynyń basshysy Sapar Nurashev aıtty, dep habarlaıdy QazAqparat tilshisi.
Sapar Nurashevtyń sózinshe, salynyp jatqan krematorııde máıit qana emes, sonymen qatar asa qaýipti bıologııalyq qaldyqtardy da órteıdi. Pandemııa kezinde qoldanylǵan medıtsınalyq zattar kóbeıgen. Atap aıtar bolsaq, medıtsınalyq maskalar, kostıýmder, tańǵyshtar, shprıtster, PTR analızin alýǵa arnalǵan quraldar jáne taǵy basqalary.
«Qoldanylǵan medıtsınalyq qaldyqtardy arnaıy peshterge jaǵý arqyly joıýǵa bolady. Osyǵan baılanysty patoanatomııalyq bıýroda krematorıı salý týraly sheshim qabyldandy»,- dedi ol.
Kelisimshartqa sáıkes, krematorıı Almaty qalasy Alataý aýdany Aqyn Sara kóshesiniń soltústiginde, JEO-2 shyǵysyna qaraı ornalasqan patologoanatomııalyq bıýro janynan (syrtqy ınjenerlik jelilersiz) salynady.
Qurylystyń aıaqtalý merzimi - 2021 jyldyń qyrkúıek aıy.
Qurylys quny - 1,3 mlrd teńge.
