Almatydaǵy QR Tuńǵysh Prezıdenti saıabaǵy aldyndaǵy avtoturaq alynyp tastalady
ALMATY. QazAqparat – Almatydaǵy QR Tuńǵysh Prezıdenti saıabaǵy aldyndaǵy avtoturaq alynyp tastalady. Bul týraly «Almatyny damytý – 2021: kóriktendirý jáne kógaldandyrý jobalary» onlaın-tanystyrylymy barysynda aıttyldy, dep habarlaıdy QazAqparat tilshisi.
«Almatyǵa «Jasyl qala» mártebesin qaıtarý úshin biraz jumystar atqarylyp jatyr. Sol sebepti, QR Tuńǵysh Prezıdenti saıabaǵynyń aldyndaǵy avtoturaqty alyp tastaý týraly sheshim qabyldandy. Ol jerde jasyl alleıa paıda bolady. Jaryq tartylyp, oryndyqtar qoıylady» - dedi Almaty qalalyq josparlaý jáne ýrbanıstıka basqarmasynyń basshysy Almashan Ahmetjanov.
Sonymen qatar, qalada 9 jańa saıabaq aımaǵynyń qurylysy bastalady.
Aıta keteıik, bıyl Almatyǵa 350 myń túp tal otyrǵyzý josparlanǵan.
