Almatydaǵy kottedjderde jezókshelikpen aınalysqan 40 adam ustaldy
ALMATY. QazAqparat - Almaty polıtseıleri jezókshelikpen aınalysýǵa arnalǵan tórt prıtondy anyqtady, dep habarlaıdy QazAqparat Polisia.kz saıtyna silteme jasap.
Prıtondardyń barlyǵy jeke kottedjder sııaqty kóringen. Bir qaraǵanda basqalardyń nazaryn aýdarmaıtyn qarapaıym úı.
«Іs júzinde olaı emes. Munda túngi ómir qyzý júrip jatyr: ózderin massaj sheberi retinde tanystyratyn qyzdar klıentterine ıntımdik qyzmet kórsetken. Osy reıdtiń nátıjesinde 40 adam ustaldy. Olardyń árqaısysynyń jeke basy kez kelgen qylmysqa nemese quqyq buzýshylyqqa qatysy bar-joǵy bizdiń jazbalarymyzǵa sáıkes tekserildi. Olarǵa QR ÁQbK-niń 449 jáne 492-babyna sáıkes ákimshilik sharalar qoldanyldy. Al jezókshelikpen aınalysýǵa úı-jaı usynǵany úshin mekeme qojaıyndary 50-bap negizinde jaýapqa tartyldy», – deıdi Medeý aýdandyq Polıtsııa basqarmasynyń bastyǵy Dáýren Ótebaev.
Sonymen qatar, aýdandyq bólim basshysy demalys kúnderi polıtsııa qyzmetkerleri oıyn-saýyq mekemelerinde kalıan shegý derekterin de teksergenin atap ótti. 57 zań buzýshylyq anyqtalyp, quqyq buzýshylarǵa ákimshilik hattamalar toltyryldy.
Foto: polisia.kz
