Almatydaǵy kóshe bir aıǵa jabylady
ALMATY. QazAqparat - Almatyda Shagabýtdınov kóshesiniń bir bóligi ýaqytsha jabylady, dep habarlaıdy QazAqparat tilshisi.
«Almaty jylý júıesi» kásipornynyń málimetinshe, 2021 jyldyń 21 tamyzy men 20 qyrkúıegi aralyǵynda Shagabýtdınov kóshesinde Qarasaı batyr kóshesinen Qabanbaı batyr kóshesine deıin kólik qozǵalysy jabylady.
«Engizilgen shekteýler osy kóshe segmentiniń júris bóliginiń astynan ótetin magıstraldy qubyrdy qaıta qurý úshin qajet. Jergilikti turǵyndarǵa qolaıly jaǵdaıdy saqtaý úshin úılerge ystyq sý ýaqytsha shema boıynsha beriletin bolady»,- dep habarlady «Almaty jylý jelileri» JShS baspasóz qyzmeti.
Kompanııa keltirilgen qolaısyzdyq úshin almatylyqtardan keshirim suraıdy.
Sonymen qatar, júrgizýshilerge jol júrý baǵytyn aldyn ala josparlaýǵa keńes berdi.
