Almatydaǵy koronavırýsty emdeýge arnalǵan ınfektsııalyq aýrýhananyń vıdeosy jarııalandy
ALMATY. QazAqparat - Almaty qalalyq qoǵamdyq densaýlyq saqtaý basqarmasy COVID-19 vırýsyn juqtyrǵan naýqastardy emdeıtin I.S.Jekenov atyndaǵy qalalyq klınıkalyq juqpaly aýrýlar aýrýhanasynyń vıdeosyn kórsetti, dep habarlaıdy QazAqparat tilshisi.
Vıdeo men sýretterdi qalalyq qoǵamdyq densaýlyq saqtaý basqarmasynyń baspasóz qyzmeti usyndy. Ol jerden bos palatalardy, dálizderdi, jansaqtaý jáne qabyldaý bólmesin kórýge bolady.
Basqarma málimetine sáıkes, bul medıtsınalyq mekemede 500 tósek-oryn bar. Jalpy, qalada tósek-oryn sany 7011, onyń 5000 bos emes.
«Ózderińiz biletindeı, juqpaly aýrýlarǵa arnalǵan barlyq tósekter materıaldyq-tehnıkalyq jabdyqtalýyna, personaldyń daıyndyǵyna baılanysty 3 eshelonǵa bólingen: jaǵdaıy aýyr, qalypty jáne jeńil naýqastarǵa arnalǵan. 29 naýryzdaǵy jaǵdaı boıynsha juqpaly aýrýlar aýrýhanalarynda 2 759 adam (108 bala) jatyr, 39 naýqastyń jaǵdaıy óte aýyr, 266-sy aýyr, 2 454-i ortasha aýyrlyqta. 28 naýryz kúni 204 adam aýrýhanadan shyǵaryldy», - dep habarlady basqarmadan.
Sonymen qatar, «Halyk Arena» kesheninde 1000 tósek-oryn daıyndaldy. Keshen medıtsınalyq quralmen, jıhazben, dári-dármektermen tolyq qamtamasyz etilgen.
