Almatydaǵy koronavırýs juqtyrǵan adamdardyń qazirgi jaǵdaıy qandaı

ALMATY. QazAqparat – Búgin Almatyda qalalyq qoǵamdyq densaýlyq saqtaý basqarmasynyń basshysy Tileýhan Ábildaev pen qalalyq taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Ásel Halyqova brıfıng ótkizdi, dep habarlaıdy QazAqparat tilshisi.

Tileýhan Ábildaevtyń aıtýynsha, koronavırýs juqpasy tabylǵan tulǵalardyń jaǵdaıy turaqty.

«Bir patsıent 9 naýryzda Almatyǵa kelgen. 1b sanaty boıynsha úı karantıninde jatqan. Ekinshi patsıent 12 naýryz túnde Germanııadan keldi. Bul ýaqytta bul el 1a sanatyna ótken. Sol úshin kelgen 12 jolaýshy ekıpajben birge I.Jekenova atyndaǵy ınfektsııalyq aýrýhanada statsıonarǵa oqshaýlanǵan. Barlyǵy DDU protokolyna saı emdelip jatyr. Qazir barlyǵy 1 sanat boıynsha kóprofıldi statsıonarlarda 476 adam jatyr. №1 kópbeıindi medıtsınalyq ortalyqta - 197, 2 aýrýhanada – 168 adam, №1 aýrýhanada - 111 adam karantınde jatyr»,- dedi T.Ábildaev.

Basqarma basshysynyń aıtýynsha, qalada qajetti dári dármek pen zararsyzdandyrý quraldary jetkilikti.

Eske sala ketsek, buǵan deıin basqarma basshysy Almatyda koronavırýspen kúreske qansha qarajat bólingenin aıtqan edi.