Almatydaǵy koronavırýs: táýligine myńǵa jýyq naýqas tirkeldi
ALMATY. QazAqparat - Almaty qalasynyń qoǵamdyq densaýlyq saqtaý basqarmasynda koronavırýspen syrqattanýshylyq jaǵdaıy men vaktsınalaý qarqyny týraly aıtyldy, dep habarlaıdy QazAqparat.
22 shildede koronavırýs ınfektsııasynyń 996 jaǵdaıy tirkeldi (jergilikti), onyń 920-sy sımptomdy jáne 76-sy sımptomsyz. Barlyǵy 264 naýqas jazylyp shyqty, al 441-i emdelýge jatqyzyldy. Barlyǵy ınfektsııalyq statsıonarlarda 3 270 adam, al reanımatsııa jáne qarqyndy terapııa bólimshelerinde 240 naýqas jatyr. Ókpeni jasandy jeldetý -27, ınvazıvti emes ÓJJ – 88, High flow – 86 apparat jumys isteıdi. Búgingi kúni úıde BMSK jáne telemedıtsına ortalyǵynyń mobıldi brıgadalarynyń baqylaýynda 6 201 patsıent bar, sımptomdary barlary – 5774, jeńil jáne ortasha dárejede, belgileri joq – 427«, - dep habarlady Almaty qalasynyń qoǵamdyq densaýlyq basqarmasy.
1 aqpannan 22 shildege deıin birinshi komponentpen 670 351 adam egildi. Ótken táýlikte - 4 590 adam. Egilgenderdiń jalpy sanynan 60 jastan asqandar 94 835 adamdy quraıdy. Qalada medıtsınalyq uıymdarda, mektepterde, mádenıet, sport obektilerinde, bazarlarda jáne qalanyń SOO-da 250-ge deıin ulǵaıtý múmkindigimen 212 vaktsınalaý pýnkti jumys isteıdi. 1 260 adamnan turatyn 308 egý brıgadasy jumyldyryldy.
