Almatydaǵy kópqabatty úıdiń qabyrǵasy túrki sımvolymen árlendi
ALMATY. QazAqparat – Almatyda monýmentaldy ónerdiń «MURAL FEST» IV halyqaralyq festıvali aıaqtaldy, dep habarlaıdy QazAqparat tilshisi.
Festıval aıasynda Nazarbaev pen Bógenbaı batyr kósheleriniń qıylysyndaǵy úıdiń qasbetinde etnıkalyq belgi paıda boldy.
Bul týraly festıval kýratory Móldir Bekjan Instagram paraqshasynda jarııalady.
«Bóltirigin qorǵaǵan qurtqanyń sýreti salyndy. Bóltirik adam beınesinde salyndy. Eskız avtory belgili sýretshi Muhıt Aqanaev. Ol adam men tabıǵattyń birligin aıtqysy keldi. Qasqyr túrki zamanynan beri bizdiń totem janýarymyz bolyp keledi»,- dedi Móldir Bekjan.
Sýrettiń tómengi jaǵynda kóne túrki jazbasy men «Táńiri» dep jazylǵan. Ejelgi rýna jazbasy ortalyq Azııada bizdiń dáýirimizdegi VIII-X ǵasyrlarynda qoldanylǵan.
Sýretti jas ónerpazdar Amanqul Nurbolat pen Keńes Bekbolat júzege asyrdy.
