Almatydaǵy qonaqúıde qyzyn uryp óltirgen ákeniń isi sotqa joldandy
ALMATY. QazAqparat – Almatydaǵy InterContinental qonaqúıinde bir jarym jasar qyzyn óltirgen sheteldik kúdiktiniń isi sotqa joldandy, dep habarlaıdy QazAqparat tilshisi.
«Іs qylmystyq is boıynsha mamandandyrylǵan aýdanaralyq sotqa jiberildi, onda osy adamnyń is-áreketine quqyqtyq baǵa beriledi. Buǵan deıin, qamaýǵa alý túrindegi bultartpaý sharasy taǵaıyndalǵan bolatyn», - dep habarlady Almaty sotynyń baspasóz qyzmeti.
Eske salaıyq, 24 qazan kúni er adam bir jarym jasar qyzyn uryp-soǵyp, mert qyldy. Alǵashynda ol perzentin býyndyryp óltirgendigi týraly habar taraǵan bolatyn.
Kóp uzamaı qyzyn uryp óltirgen áke qamaýǵa alyndy.
Keıin kúdikti er adam 41 jastaǵy Ulybrıtanııa azamaty ekeni anyqtaldy.
