Almatydaǵy qonaqúıde qyzyn uryp óltirgen áke qamaýǵa alyndy
ALMATY. QazAqparat – Almatydaǵy InterContinental qonaqúıinde qyzyn óltirgen er adam eki aıǵa qamaýǵa alyndy, dep habarlaıdy QazAqparat tilshisi.
«Er adamǵa qatysty 2 aıǵa qamaýǵa alý túrindegi bultartpaý sharasy taǵaıyndaldy», - dep málim etti qalalyq sottan.
Eske salaıyq, 24 qazan kúni er adam bir jarym jasar qyzyn uryp-soǵyp, mert qyldy. Alǵashynda ol perzentin býyndyryp óltirgendigi týraly habar taraǵan bolatyn.
Almaty qalalyq Polıtsııa departamentiniń aqparatyna sáıkes, atalmysh fakti sotqa deıingi tergep-tekserýdiń biryńǵaı tizilimine engizildi. QR QK-niń 99-baby (kisi óltirý) boıynsha tergeý bastaldy. Sot-medıtsınalyq saraptama taǵaıyndaldy.
