Almatydaǵy kommýnaldyq kólikter aldaǵy ýaqytta tolyqtaı gazben júretin bolady - Ahmetjan Esimov
MATY. 17 tamyz. QazAqparat /Erlik Erjanuly/ - Almatyda aldaǵy jyldary janarmaımen júretin 4-5 myń kommýnaldyq avtokólikter gazǵa aýystyrylady. Ony qala ákimi Ahmetjan Esimov búgin "Kólik tabıǵı gazben - Qazaqstan" dep atalatyn forýmda aıtty.
"Qala ákimdigi kólikti gazǵa kóshirý jobasyn odan ary jalǵastyrady. Bul shamamen 4-5 myń avtomobıl. "Almaty" áleýmettik-kásipkerlik korporatsııasy zańdy jáne jeke tulǵalardy avtokólikterin gazǵa kóshirýdi ekonomıkalyq jaǵynan yntalandyrýdyń tetikterin jasaýda. Olardyń kólikteriniń dvıgatelderin jeńildikpen tabıǵı gazdy qoldanýǵa beıimdeý úshin mıkrokredıttik uıym quryldy", - deıdi Ahmetjan Smaǵululy. Onyń aıtýynsha, jolaýshylar tasymaldaý qyzmetine tender bolǵan kezde endi avtoparkterdiń óz kólikterin gazben júrýge kóshirý jobasy mańyzdy ról atqaratyn bolady. Sondyqtan árbir avtoparktiń óz avtobýstaryn gazǵa aýystyrýǵa qatysty naqty josparlary bolý kerek. «Almaty» áleýmettik- kásipkerlik korparatsııasynda taksoparkterge kólikteriniń dvıgatelin tabıǵı gazben júrýge beıimdeýge shaǵyn nesıe berýge arnaıy qarjy qarastyrylyp otyr. Bul úderiske taksoparkterdiń jetekshileri belsendi túrde atsalysýy kerek. Eger olar buǵan qatyspaıtyn bolsa, qalalyq ákimdik úshin mýnıtsıpaldy taksopark qurý avtopark qurýdan qıyn emes ekenin qatań eskertken shahar basshysy qajettilik týyp jatsa, mýnıtsıpaldyq avtopark sany kóbeıtiletinin aıtty. Óıtkeni, alǵashqy mýnıtsıpaldy avtoparktegi gazben júretin 200 avtobýs qazirgi tańda 9 baǵytta jolaýshylarǵa qyzmet kórsetip, óziniń tıimdiligin dáleldeýde.
