Almatydaǵy kólikterdiń «báıgesi»: Bes adam zardap shekti
ALMATY. QazAqparat - Almaty mańyndaǵy Іle tasjolynda iri jol apatynan 5 adam zardap shekti, dep habarlaıdy QazAqparat tilshisi.
Jol apaty Іle trassasynda Almaty oblysyna bara jatqan jolda, Juldyz shaǵyn aýdanyna jaqyn jerde bolǵan.
Oqıǵaǵa kýá bolǵandardyń aıtýynsha, Іle tasjolymen ońtústikke qaraı bet alǵan Toyota men Hyundai kólikteri jarysyp, bir-birin jol shetine qysyp kele jatqan. Aldarynan qarama-qarsy baǵytta Nissan markaly djıp shyqqan. Jarysýshylardyń biri - Hyundai avtomobıliniń júrgizýshisi qarsy betke shyǵyp ketip, djıppen soǵysqan.
Jol apaty saldarynan 5 adam - djıptegi úsh jolaýshy men jeńil kóliktegi eki adam zardap shekti. Olardyń barlyǵy túrli jaraqatpen aýrýhanaǵa jetkizildi.
