Almatydaǵy kólik kollapsynyń sebebi anyqtaldy
ALMATY. QazAqparat - Almatyda eki kósheniń qıylysynda baǵdarshamdar jumysy 10 mınýtqa toqtap qalyp, keptelis týyndady, dep habarlaıdy QazAqparat tilshisi.
Baǵdarshamnyń jasyl túsi tek Tımırıazev kóshesimen kele jatqan júrgizýshilerge 10 mınýtqa jýyq ýaqyt janyp turdy. Sonyń saldarynan jolda úlken keptelis paıda boldy.
Narazy bolǵan júrgizýshiler qyzylǵa júre bastady. Aıta ketý kerek, qıylysta qozǵalysty retteıtin jol-patrýldik qyzmeti bolǵan joq.
Kóshe boıynda paıda bolǵan kollapstyń sebebin qalalyq baǵdarsham qyzmeti túsindirdi.
Kezekshi operator Irına Babchýktyń aıtýynsha, baǵdarshamdar isten shyqqan joq, shtattyq rejimde jumys jasap turdy. Tek belgili bir tulǵalardyń kólikteri ótýi úshin ilesip júrý bolǵanyn aıtty.
«Jarokov-Tımırıazev, Gagarın-Tımırıazev kósheleriniń qıylysyndaǵy baǵdarshamdar bir baǵytty kóp ótkizgen sebebi - belgili bir kólikterge ilesip júrý bolǵan. Qozǵalysty retteýshilerge ol jerde turý shart emes. Olar jol qozǵalysyn kompıýter arqyly qashyqtan rettep otyrdy», - dedi Irına Babchýk.
Kezekshi operator basqa qandaı kóshelerde baǵdarshamdar ýaqytsha toqtatylǵanyn jáne qandaı tulǵalardyń kólikterine ilesip júrý bolǵanyn aıtpady.
