Almatydaǵy kólik apaty: Dárigerler kishkentaı qyzdyń aıaǵyn saqtap qaldy
ALMATY. QazAqparat – Almatydaǵy №4 qalalyq klınıkalyq aýrýhananyń bas dárigeri Saǵı Beısenbekov júk kóligi qaǵyp ketken áıel men balanyń jaǵdaıy týraly aıtty, dep habarlaıdy QazAqparat tilshisi.
№4 qalalyq klınıkalyq aýrýhananyń baspasóz qyzmetiniń málimetishe, 15 naýryz kúni aýrýhananyń qabyldaý bólimine jol-kólik apaty saldarynan jaraqat alǵan balany alyp kele jatqandyǵy týraly habarlama kelip túsken.
«Kishkentaı naýqasty qabyldaý úshin barlyq sharalar qabyldandy, dárigerlerdiń kópsalaly toby shaqyryldy, balalar reanımatology jáne travmatologta keldi. 2010 jyly týǵan qyz bala aýyr halde jetkizildi. Shuǵyl túrde reanımatsııa jaǵdaıynda shokqa qarsy terapııa jasalyp, konsılıým ótti. Jaǵdaı turaqtanǵannan keıin balaǵa jedel túrde operatsııa jasaldy», - deıdi №4 qalalyq klınıkalyq aýrýhananyń bas dárigeri Saǵı Beısenbekov.
Aýrýhanadaǵylar málim etkendeı, jaraqaty aýyr naýqastyń oń aıaǵyn kesý týraly suraq týyndady.
«Operatsııa bólmesinde angıohırýrgpen birge aıaqty saqtap qalý týraly sheshim qabyldandy. Biz aıaqty qalpyna keltirý úshin barlyq qajetti sharalardy qabyldadyq. Arnaıy qural qoldanyldy, aıaqtyń uzyndyǵy saqtaldy», - dep qosty Saǵı Beısenbekov.
Operatsııa 4 saǵatqa sozyldy. Budan bólek balada birneshe jaraqat boldy. Polıjaraqat, mıdyń shaıqalýy, jabyq keýde jáne ishtiń ashyq jaraqaty. Ekinshi dárejeli gemorragııalyq shok. Úshinshi dárejeli travmatıkalyq shok. Onyń ómiri úshin №4 qalalyq klınıkalyq aýrýhananyń bes dárigerinen quralǵan operatsııalyq top kúresti.
Úshinshi kúni kishkentaı qyz balalar jedel járdem ortalyǵyna aýystyryldy.
Al, 1963 jyly týǵan naýqasqa jumsaq tinderdiń jaraqaty, gematoma,birinshi dárejeli travmatıkalyq shok dıagnozy qoıyldy. Alǵashqy qajetti kómek kórsetildi. Jaǵdaı turaqty aýyr dep baǵalanýda.
Buǵan deıin, Almatyda júk kóligi áıel men balany qaǵyp ketkeni týraly habarlaǵan bolatynbyz. Atalǵan jol-kólik apaty QRQK 345-baby, 2-bólimi boıynsha tergep jatyr.
