Almatydaǵy Kóktóbe aýdany aımaǵynda eki qabatty turǵyn úı órtendi
ALMATY. QazAqparat - Kóktóbe aýdany aımaǵynda jańa eki qabatty turǵyn úı otqa orandy. Órt sóndirýshilerge tilsiz jaýdy aýyzdyqtaý úshin órt gıdrantyn 500 metr qashyqtyqtan izdeý qajet boldy, dep habarlaıdy QazAqparat.
Órt joǵarǵy qabattan bastalǵan jáne aldyn ala boljamdar boıynsha ol elektr symynan shyqqan. Almaty qalasy Tótenshe jaǵdaılar departamentiniń resmı ókili Sandýǵash Baımuhambetovanyń sózinshe, órt týraly habar 101 pýltine saǵat 17:26-da túsken. Órt sóndirýshiler oqıǵa ornyna habar alysymen 8 mınýttan soń, ıaǵnı saǵat 17:34-te jetti.
Órt oqıǵasy boıynsha mán-jaıdy anyqtaý barysynda 2 qabatty jeke turǵyn úıdiń mansardysy janǵandyǵy belgili boldy. Órt 1 saǵattyń kóleminde, 18:30-da aýyzdyqtaldy. Qolǵa alynǵan sharalar 2 qabatty úıdiń tómengi qabatynyń órtenýiniń aldyn alýǵa múmkindik berdi»,-dedi Sandýǵash Baımuhambetova.
Órt saǵat 18:50-de tolyqtaı sóndirildi. Mert bolǵandar men zardap shekkender joq. Keıbir málimetter boıynsha atalǵan úıde tanymal qazaqstandyq jeli resýrstarynyń biriniń redaktsııasy ornalasqan.
