Almatydaǵy Kókbazarda taǵy 1 adamnan koronavırýs tabyldy
ALMATY. QazAqparat – Almaty Kókbazaryndaǵy epıdemıologııalyq ahýal jaıly qalanyń bas sanıtarııalyq dárigeri Jandarbek Bekshın onlaın brıfıng barysynda aıtyp berdi, dep habarlaıdy QazAqparat tilshisi.
Jandarbek Bekshın bazar ákimshiligine 3 apta buryn eskertý aıtqanyn jetkizdi.
«Kókbazardy tekserý kezinde ákimshiligine eskertý aıtqanmyn. Teplovızorlar bolmady, qashyqtyq belgileri joq, jumyskerlerdyń qaýipsizdigi saqtalmaǵan. Olardyń kópshiligi sanıtarııalyq kitapshasyz jumys istegen», - dedi Jandarbek Bekshın.
Bas sanıtarııalyq dáriger kópshiliktiń aıyppul týraly synı pikirin eske aldy.
«Biz aıyppul salamyz degende, kópshiligi narazylyq bildirdi. Al sonyń kesirinen aldynda bazar ákimshiliginen 20 adam anyqtalsa, keshe taǵy 1 adam anyqtaldy. Álbette, olar jumyskerlerge arnalǵan kireberisten kirgen. Ol jerde teplovızor bolmaǵan. Ázirge satýshylar arasynda vırýs juqtyrǵandar tirkelgen joq. Epıdemıologııalyq talaptardyń saqtalmaýy sanıtarlyq normalardyń 42-babymen retteledi. Eger ol shaǵyn bıznes sýbektisine jatsa, 500 myńǵa jýyq aıyppul salynsa, iri bızneske 4 mln teńgege deıin aıyppul qarastyrylǵan», - dedi J.Bekshın.
Aıta ketý kerek, Almatydaǵy Kókbazar ákimshiliginde 20 adam koronavırýs juqtyrǵany týraly keshe habarlaǵan bolatynbyz.
