Almatydaǵy qoǵamdyq oryndarda kúzet kúsheıtildi
ALMATY. QazAqparat - Qalalyq Polıtsııa departamenti demalys kúnderi shekteý sharalary bolatynyn eskertti, dep habarlaıdy QazAqparat tilshisi.
«Kóshede azamattardyń kóp júretin jerler, saıabaqtar, alańdar, ózen jaǵalaýlary, saýda jáne oıyn-saýyq ortalyqtaryn kúzetýge kóńil bólinedi. Bul nysandar - jabyq. Sonymen qatar, halyqqa túsindirý jumystary júrgizilýde. Pandemııa qaýpiniń qanshalyqty mańyzdy ekenin onyń taralý dárejesin árkim bilýi jáne koronavırýstyq ınfektsııaǵa qarsy turýdaǵy bizdiń jaýapkershiligimizdi bilý óte mańyzdy. Sanıtarlyq-gıgıenalyq normalardy qatań saqtaýdy, medıtsınalyq betperde kııýdi jáne áleýmettik qashyqtyqty ustaýdy eskertemiz «, - dedi Almaty qalalyq PD bastyǵynyń birinshi orynbasary, polıtsııa polkovnıgi Nurlan Almasbekov.
Aıta ketý kerek, jaqynda QR Premer-Mınıstri Asqar Mamınniń tóraǵalyǵymen QR aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń (VAK) selektorlyq otyrysy ótkenin jazǵan edik. Onda QR Prezıdenti Qasym-Jomart Toqaevtyń tapsyrmasyna sáıkes Qazaqstandaǵy epıdemıologııalyq jaǵdaıdy turaqtandyrý boıynsha qosymsha sharalar qaraldy.
Osyǵan baılanysty qala ákimi karantın sharalary týraly málimdeme jasaǵan edi.
