Almatydaǵy qoǵamdyq kólik júrgizýshileriniń barlyǵy tekseriledi

ALMATY. QazAqparat - Almatyda qoǵamdyq kólik júrgizýshilerin jappaı tekseris kútip túr. Buǵan sebep, esirtki qoldanǵan áriptesteriniń qylyǵy, dep habarlaıdy QazAqparat tilshisi.

«2019 jyldyń 17 qazanynda jol polıtsııasy qujattardy tekserý barysynda № 103 baǵdardaǵy avtobýstyń júrgizýshisin ustady. Onyń minez-qulqy men ózin-ózi ustaýy kúdik týdyrǵan. Polıtsııa qyzmetkerleri birden ony medıtsınalyq tekseristen ótýge alyp barǵan. Fakt rastaldy. Osydan keıin júrgizýshi jumystan shettetilip, kásiporynda atalǵan fakti boıynsha qyzmettik tergeý bastaldy», - dep habarlaıdy «AlmatyElektrotrans» JShS.

Qyzmettik tekserý nátıjesi boıynsha, qoǵamdyq kólik júrgizýshisi tańerteń josparly medıtsınalyq tekseristen ótkendigi anyqtaldy.

Tasymaldaýshy kompanııanyń habarlaýynsha, qazirgi ýaqytta júrgizýshiniń «esengiretetin shópti» qaıda, qashan jáne qandaı jaǵdaıda qoldanǵany anyqtalýda.

«Almatyelektrotrans» JShS atynan osy jaǵdaı úshin keshirim suraımyz. Mundaı fakti bizdi de tań qaldyrdy. Biz endi jappaı tekserýdi bastaımyz», - dedi «Almatyelektrotrans» JShS.

Esterińizge salaıyq, keshe Almatyda esirtki qoldanǵan avtobýs júrgizýshisi ustaldy. Ol jolaýshylardy tasymaldaǵan.