Almatydaǵy «Qııal álemi» saıabaǵyndaǵy órt 2180 sharshy metr jerdi qamtydy - Tótenshe jaǵdaılar departamentiniń baspasóz qyzmeti
ALMATY. 28 mamyr. QazAqparat - Búgin Almatydaǵy «Qııal álemi» oıyn-saýyq parkinde tańerteń bastalǵan alapat órt 13.33-te tolyq sóndirildi.
«Bizge bul oqıǵa týraly qońyraý 06.26-da kelip tústi. Al 06.35-te alǵashqy bólimshe oqıǵa ornyna jetti. Ony sóndirýge barlyǵy 10 negizgi, 6 arnaıy tehnıka jáne 65 órt sóndirýshi jumyldyrylǵan bolatyn. Olar 8:10-da órtti oqshaýlaǵanymen, ony tek 13:33-te ǵana tolyq aýyzdyqtaldy», - deıdi Tótenshe jaǵdaılar departamentiniń baspasóz qyzmetiniń bas mamany Darıǵa Fazyljanova. Onyń aıtýynsha, tilsiz jaýdan 2180 sharshy metrlik qoıma, medıtsınalyq pýnkti, ashana men sanıtarlyq torap zardap shekken. Qazir órttiń shyǵý sebebi men odan kelgen materıaldyq shyǵynnyń kólemi anyqtalýda.
