Almatydaǵy qısaıǵan úı: qurylys-montaj jumystary qashan aıaqtalady
ALMATY. QazAqparat - Qazirgi ýaqytta «Zerdeli» yqshamaýdanyndaǵy qısaıǵan kópqabatty úıde júrigizilip jatqan jumystar týraly Alataý aýdanynyń ákimi Azamat Qaldybekov aıtyp berdi, dep habarlaıdy QazAqparat tilshisi.
«Saraptama nátıjesi boıynsha, úıdi qaıta qalpyna keltirýge bolady. Qazir jumys júrip jatyr, taǵy 3-4 aıǵa sozylýy múmkin. Ol jaǵyn naqty aıta almaımyn. Sol úıdiń turǵyndary basqa jaqta páter jaldap turyp jatyr. Onyń aqshasyn ákimdik tóleıdi. Úıdiń irgetasy betonmen toltyrylady. Qurylys-montaj jumystary júrip jatyr. Biz turǵyndarmen únemi kezdesip, túsindirip otyramyz», - deıdi aýdan ákimi.
Buǵan deıin, «Zerdeli-6» shaǵynaýdanyndaǵy №179 úıdiń zertteý nátıjelerin QazQSǴZI jarııa etken bolatyn.
Eske salaıyq, 11 jeltoqsanda Alataý aýdanyndaǵy «Zerdeli» shaǵynaýdanynyń turǵyndary úıleriniń qısaıǵanyn aıtyp dabyl qaqqan edi.
Keıin Baqytjan Saǵyntaev qısaıǵan úıdiń turǵyndarymen kezdesip, ákimdik olardy kóshirýge daıyn ekenin jetkizdi.
Qańtardyń 18 kúni prokýratýra qylmystyq is qozǵalǵany týraly málimdeme jasady.
