Almatydaǵy keńeste «Rýhanı kelisim» kúniniń basty qundylyqtary aıtyldy
Jastarmen kezdesýde Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda atqarylyp jatqan jumystar baıandaldy.
Kezdesýde sóz alǵan «Qazaq tili» halyqaralyq qoǵamdyq birlestigi tóraǵasynyń orynbasary, belgili baspager Ǵarıfolla Ánes «Rýhanı jańǵyrý» baǵdarlamasy aıasynda atqarylyp jatqan aýqymdy jumystar týraly aıtyp berdi.
«Elbasymyzdyń «Bolashaqqa baǵdar: rýhanı jańǵyrý» maqalasynan keıin qoǵamymyz qozǵalysqa túsip jatyr. Osy kezge deıin aıtylmaǵan áńgimeler aıtylyp, ulttyq máseleler salt-dástúrimizdi kóterip jatyrmyz. Biz qazir «Qasıetti Qazaqstan» degen entsıklopedııa daıyndap jatyrmyz. Keshe alǵashqy nusqasynyń tusaýkeseri Parıjde ótti. Bul Qazaqstan kóleminde emes, túrki jurtynda qolǵa alynbaǵan dúnıe», - dedi Ǵarıfolla Ánes.
Jıynda ashyp bergen «Nur Otan» partııasynyń Medeý aýdandyq fılıaly tóraǵasynyń birinshi orynbasary Merýert Muqanova «Rýhanı kelisim» kúniniń basty qundylyǵyna toqtaldy.
«Elbasy «Bolashaqqa baǵdar: rýhanı jańǵyrý» maqalasyn jarııalaǵan bolatyn. Bul qujatta rýhanı qundylyqtardy saqtaý, elimizge tán erekshelikterdi dáripteýge basty nazar aýdarylǵan. Bizdiń búgingi kezdesýimiz 18 qazan - «Rýhanı kelisim» kúnine oraı uıymdastyrylyp otyr. 25 jyl buryn dál osy kúni Elbasynyń bastamasymen І Búkilálemdik rýhanı kongresi ótken. Qazir kóptegen memlekettiń ishinde alaýyzdyq týyndap jatqanda aýyzbirligimizdi saqtaý mańyzdy. Rýhanı kelisim - beıbitshiliktiń tiregi, turaqtylyqtyń irgetasy. Búgingi kezdesýge elimizdegi etnomádenı birlestikterdiń ókilderi jınalyp otyr. Óıtkeni, patrıottyq sezimdi qalyptastyrý mektepten bastalady», - dedi Merýert Muqanova.
Basqosý barysynda QHA-nyń etnobirlestik ókilderi tarapynan qoǵamdaǵy kelisimniń jarqyn úlgileri aıtylyp, oqýshylar ázirlegen kontserttik baǵdarlama qoıyldy.
